Велика Британија вооружува и помага на фундаменталистичка диктатура, која бомбардира и убива цивили. Тоа е непобитен факт. Саудиската тиранија – мразители на хомосексуалците, угнетувачите на жени кои ја започнаа годината со масовно обезглавување – водат веќе 10 месеци војна во Јемен. Ако 26-те милиони Јеменци се под опсада и бомбардирани од еден официјален непријател на Западот, ние можевме да очекуваме мотивирани апели “да направиме нешто” и да интервенираме воено.
Па убаво, ние сме презеле акција – не само што обезбедуваме оружје, но и обезбедување на коалицијата предводена од Саудиската коалиција од арапски диктатори на британски воени советници. Како што Ангус Робертсон од Шкотската национална партија вели во лицето на премиерот, Велика Британија “фактички е во војна” – но засега малку Британци знаат затоа.
Откако Саудијците се замешаа во конфликтот меѓу претседателот Хади и бунтовниците Хути минатиот март, околу 6.000 Јеменци беа убиени,а веројатно половина од нив биле цивили. При морска блокада, она што ОН го опиша како “хуманитарна катастрофа”, е објавено пред шест месеци. Осум од 10 Јеменци сега се зависни од хуманитарна помош, и повеќето од нив немаат “адекватен пристап до чиста вода или канализација” според ОН.
Бомбардирањата го уништија здравствениот систем на земјата: на нишан беа земени 130 медицински објекти, вклучувајќи ги и оние управувани од Лекари без граници – “целосно непочитување на правилата за водење војна”, како што рекоа од ЛБГ. Постои и опасност од глад: ОН смета дека повеќе од 14 милиони луѓе се без обезбедена храна, повеќе од половина од нив се во сериозна положба, а во исто време речиси еден од секои 10 биле протерани од своите домови. Јемен е создаден од човечки раце, катастрофата и отпечатоците на Западот се насекаде по него.
Само помислете што видела комисијата на ОН, чиј извештај стана домен на овој весник: дека воздушните напади земале на нишан “цивили и цивилни објекти во прекршување на хуманитарниот закон”, вклучувајќи се, од бегалските кампови до училишта, од свадби до автобуси . Тие веруваат дека повеќе од 100 воздушни мисии се поврзани со “прекршувања на меѓународното хуманитарно право”. Да, сите земји беа обвинети за воени злосторства. Но, според високиот комесар на ОН за човекови права, саудиските сили се одговорни за “несразмерно големо количество” напади врз цивили.
Ништо чудно, тогаш војната бива опишувана како свој Виетнам на Саудиска Арабија. Наместо да ја осудат оваа валкана војна, САД стојат целосно зад својот сојузник, еден од најпознатите грозоморни режими во светот. “Дадовме јасно да се разбере дека ние сме со нашите пријатели од Саудиска Арабија”, рече државниот секретар Џон Кери, поранешен член на Ветераните од Виетнам против војната.
Но ние секако треба да бараме сметка од нашата влада за она што го прави во наше име. Откако Дејвид Камерон стана премиер, Велика Британија и има продадено на саудиската диктатура оружје во вредност од скоро 6 милијарди Фунти (околу 7,9 милијарди евра). Од клучно значење е дека откако Саудијците ја почнаа својата кампања на бомбардирање, Велика Британија има потпишано повеќе од 100 договори за испорака на оружје. Обезбедувањето на воени советници нагласува дека тоа не е пасивно набљудување на она што го прават Саудијците: нашата влада е директно вмешана.
“Ние ги поддржуваме саудиските сили по силата на долгогодишни, претходно потпишани договори”, еуфемистички ја опиша својата улога Министерство за одбрана. Како што забележува “Амнести интернешнал”, Владата на Камерон го “предизвикала овој … конфликт преку несовесно продажба на оружје кои ги прекршуваат законите”.
Според правни совети дадени од адвокати од правната групација Matrix Chambers, Велика Британија прекршува голем број обврски, вклучувајќи и сопствените критериуми за извоз на оружје и заедничкиот став на ЕУ за извоз на оружје. Всушност, во 2014 година, владина изјава гласи дека Велика Британија “нема да издава лиценца, ако има јасен ризик дека артиклите можат да бидат употребени за извршување на сериозно кршење на меѓународното и хуманитарно право”.
Кампања против трговијата со оружје (КСТО) започна правна постапка против владата за кршење на меѓународното право. Изненадувачки, како што истакнаа лабуристите, парламентарниот орган за извоз на оружје не се собрал по изборите – тоа значи речиси целото време се водела војна поддржана од Велика Британија војна на страната на Саудиска Арабија.
Британскиот сојуз со сириските диктатори кои застрашувачки одбија да исклучат стекнување на нуклеарно оружје од Пакистан, не го привлекува вниманието што го заслужува. Не станува збор само за човекови права, целосно застрашување кај Саудијците се снимени апсења, убивањето на дисиденти, забраната на протести, политички партии и синдикати, лишување на жените од основните права (патем, нашата влада истргува гласови за да се обезбеди изборот на Саудијците во Советот на ОН за човекови права). Станува збор и за заканата за нашата национална безбедност од Саудиска Арабија – земјата е во епицентарот на меѓународен екстремизам. Нејзиниот напад против Јемен убива, парализира и предизвикува масовни страдања. Таа исто така гради горчина. Со тоа што нашата влада целосно е зад своите саудиски сојузници, револтот во Велика Британија сигурно расте, огорченост, што може многу лесно да се манипулира од екстремисти.
Ако Британците беа целосно свесни за она што се случува, учеството на Велика Британија сигурно ќе биде непостојано. Но има премалку гласови кои зборуваат отворено. Еден редок пример е Ендрју Мичел, поранешен министер на конзервативната влада, кој рече пред неколку месеци: “Ние треба да ја земеме сосема сериозно можноста дека произведеното од Британија оружје било користено за да бидат убивани цивили во Јемен”. Од тогаш сме научиле најмалку за еден фатален удар со помош на британски ракети во фабрика за керамика. Јемен има потреба од мирно, договорено решение. Неговиот народ има потреба од хуманитарна помош, не од уште бомби. Но Велика Британија помага за зајакнување на оваа војна, помагајќи на суров режим, за кого знае дека бомбардира цивили. Ова е криминално, буквално. И владата треба да биде повикан на одговорност за тоа.
———————————————— ——————–
Коментарот е на Овен Џонс и е објавен во весникот “Гардијан”.