Во Нови Сад денеска се одржа акцијата „Застани, Нови Сад“ во која од 11:52 до 12:06 часот, опозицијата и граѓаните одбележаа 14 дена од смртта на 14-те луѓе кои загинаа во несреќата на железничката станица во Нови Сад. Во акцијата учествуваа и претставници на опозицијата во Белград со развивање на црно платно пред Собранието на Србија и со блокирање на сообраќајот, јавува Н1.
Novi Sad je stao na 14 minuta! U znak solidarnosti i protesta!
Danas je tačno 14 dana od tragedije koja se dogodila u Novom Sadu gde je izgubljeno 14 života.
Od 11:52 do 12:06, ljudi su stali gde god da su bili. Oni koji su se našli u automobilima upalili su signalizaciju i… pic.twitter.com/y50UyHiLHb
— Kreni-Promeni (@KPromeni) November 15, 2024
Како што пренесува „021“, во Нови Сад, граѓаните учествуваа во акцијата и застанаа мирно на бројни локации, односно на големите раскрсници, во центарот на градот, на булеварите и секаде каде што се нашле во моментот. Се слушаа сирени, додека некои не знаеја за што се работи и бараа алтернативни правци за движење.
Од несреќата во Нови Сад во која загинаа 14 лица, а тројца беа тешко повредени поминаа две недели. На акцијата повика опозицијата во Нови Сад. Поради несреќата, претходно беа организирани протести во Нови Сад и Белград, а беа приведени граѓани и активисти на протестот на 5 ноември.
Novi Sad je stao na 14 minuta. #NoviSad #Srbija pic.twitter.com/aEsulBRwtd
— Radio 021 (@Radio021) November 15, 2024
Активистите од групите „СвиЌе“ и „СТАВ“ најавија протест и барикади на раскрсницата пред Железничката станица во Нови Сад за во недела од 12 од 18 часот.