Експлозија избувна крај џамијата во градот Назран, во руската република Ингушетија. Експлозијата најверојатно е атентат врз имам, пренесе ТАСС, повикувајќи се на извор од органите на прогонот.
Пред тоа беше соопштено дека поради експлозијата имамот Хамза Чумаков добил полесни повреди. Кога по петочната молитва тој се движел со возилото, бомба сместена во друг автомобил се активирала.
Според некои податоци еден 56-годишен маж, кој минувал крај местото на експлозијата, бил тешко повреден и е на реанимација.
Бомбата била со моќност пет килограми тротилов еквивалент. Во експлозијата биле оштетени уште неколку возила и биле нанесени штети на куќа во соседството.
Во септември 2010 година против Чумаков имало друг напад, исто во Назран. Автомобилот со кој патувал, се разнел и имамот се здобил со тешки повреди. По лекување во Москва се вратил во Ингушетија и повторно се зафатил со религиозните дела, потсети ТАСС.