Видео од безбедносна камера кое, според порталот 4News, го прикажува моментот на експлозијата што се случи пред неколку дена во скопската населба Ќерамидница. На снимката се гледа како лице, идентификувано како Раде Трајковски-Штекли, се движи низ својот двор со куче.
Во видеото, снимено на 14 ноември 2024 година, со временска ознака 9:16 часот, може да се забележи моментот кога Трајковски излегува од портата, а веднаш потоа се гледа чад, што укажува дека се активирала на експлозивната направа.
Трајковски, кој е познат по своето контроверзно минато бил повреден од екплозијата, а неговото куче избегало. Тој се огласи на својот Инстаграм профил, со јавна молба и парична награда за пронаоѓање на кучето.
Во 2021 година тој беше уапсен во Белград поради поврзаност со убиство во Македонија, а против него имаше и меѓународна потерница. Минатата година, во април, кон него беа извршени два неуспешни обида за атентат во трговскиот центар „Ист гејт мол“.
Институциите се уште не се соопштија повеќе детали бидејќи истрагата е во тек.