Полицијата ја затвори Илинденска со претпоставка да се попречи ширење на протестот, односно демонстрантите да продолжат кон Министерствотоа за култура, врз кое вчера беше фрлено боја. Некои од демонстрантите седнаа на улица, пред полицијата.
Демонстрантите пеат: Затвор не ти гине Никола #Протестирам #П pic.twitter.com/DNq1XMWjSr
— META.mk (@meta_agency) April 19, 2016
Во меѓу време, ечеше песната: Никола, Никола, нешто грозно ти се случува, што е тоа знае фикусот, фикусот те помилува.
Демонстрантите им залепија срциња на штитовите на полицајците #Протестирам #П pic.twitter.com/RKQcJ4mFK5
— META.mk (@meta_agency) April 19, 2016
Демонстрантите на денешниот граѓански протест кој во 18 часот почна пред СЈО, фрлаа тврди предмети и ќесиња полни со боја врз зградата на Министерството за правда и извикуваа „Оставка“ и „Нема правда, нема мир“.
Еден од демонстрантите остави ливчиња пред секој од полицајците, кои што ја чуваат зградата на Министерството за правда, на кое се испишани 10 прашања за секој полицаец, меѓу кои: „Дали в џеб имате значка или книшка“, „Од кога ви немаат купено нови кондури“, „Зошто не сте дел од народот“ и „Кого штитите?“.
Исто така, демонстрантите им залепија самолепливи срценца на штитовите на полицајците.
Демонстрантите носат транспаренти на кои пишува „Крвта под нозете на Аце ја исчистивте. Ќе можете ли таа од вашите раце“ и „Опасно е да си во право кога државата греши“.
Атмосферата засега е мирна, без поголеми инциденти/ извори а1он и Мета
