Модната дизајнерка Аша Даниелс поднесе тужба против Лизо минатата недела, тврдејќи дека била физички и вербално малтретирана од нејзината менаџерка Аманда Номура додека работела за пејачката – само еден месец откако тројца резервни танчери изнеле серија шокантни обвинувања против неа.
Сега, Аша се отвори за некои од ужасните работи за кои вели дека ги преживеала додека била една од вработените на Лизо за време на интервјуто за ABC News за претстојната епизода од „Impact x Nightline“.
– Доаѓам на работа и работам со некој што физички ме нападна, со некој што ми се закануваше, со некој што не ми дозволува да одам да јадам кога треба да јадам, изјави таа во кратката најава на епизодата, очигледно мислејќи на Аманда и додаде дека таа не кажа само ужасни работи за неа, туку и за пејачката.
– Аманда редовно ќе се исмејуваше на Лизо и другите големи девојки. Таа рече дека се дебели, бескорисни и мрзливи. Имитираше на многу стереотипно расистички начин, па дури и реков: „Ова е навистина навредливо“, на што таа се изнасмеа.
Аша рече дека била ангажирана да дизајнира облека за Лизо и нејзините танчери на нејзината турнеја претходно оваа година, но тврди дека била „неправедно отпуштена“ по само две недели.
Портпаролот на Лизо ги негираше тврдењата на Аша, посочувајќи дека таа „никогаш не ја запознала, ниту дури разговарала“ со ѕвездата. Сепак, како „сопственичка на бизнис“, Аша изјави за ABC News дека мисли дека Лизо е делумно „одговорна“ за она што го претрпела.
– И јас сум сопственик на компанија, бев толку шокирана што работното место на Лизо не беше во склад со она што го знаеме како ѕвездата Лизо. Можам да кажам дека во мојот живот сум одговорна за луѓето кои работат за мене и работат на моите проекти, а мислам дека и сите други се исто така, кажа дизајнерката.
Во својата тужба, Аша тврдеше дека била принудена да работи прекувремено – од 6 часот наутро до 2 часот по полноќ – без пауза.