На социјалните мрежи се појави драматично видео на кое се гледа како проектил погодува тролејбус во предградијата на главниот град на Украина.
Видеото, кое го снимиле надзорните камери од блиската зграда, е објавено на Твитер профилот на „Некста“, белоруски опозициски медиум.
❗️The moment of the missile hit in #Kurenivka. pic.twitter.com/jyeOrkI1zA
— NEXTA (@nexta_tv) March 14, 2022
Видеото прикажува навидум тивка улица во едно од предградијата на Киев. Еден човек мирно се шетал во паркот кога ракета паднала на улица и погодила тролејбус. Човекот веднаш го променил правецот на движење и побрзал да излезе од паркот.
Проектилот уништил половина од улицата, а на местото на ударот се кренал чад и прашина.
Не е познато дали има жртви во овој напад.
Потсетуваме, неколку силни експлозии одекнаа во главниот град на Украина во 11 часот по локално време. Локалните власти истакнуваат дека станува збор за противвоздушна одбрана, која ги одбила нападите на руската авијација.
Најмалку едно лице загина во напад на станбена зграда во Киев, а 12 лица се повредени, соопштија украинските власти.