На социјалните мрежи се појави видео од колапсот на облакодерот на Флорида, во кое едно лице загина, а 35 беа извлечени од урнатините. Очевидци велат дека овој момент ги потсетил на уривањето на кулите близначки на 11 септември 2001 година.
Видеото е објавено на профилот на Твитер на новинарот на „Фокс“, Енди Слејтер, и го прикажува моментот на уривање на дванаесеткатницата.
JUST IN: Video I’ve obtained of the building collapse in Surfside, Florida. pic.twitter.com/BGbRC7iSI9
— Andy Slater (@AndySlater) June 24, 2021
Во моментот има 80 противпожарни единици на местото на несреќата, објави противпожарната служба во Мајами на Твитер. Според информациите пренесени од ABC News, најмалку осум лица биле пренесени во болницата, а едно лице починало.
Спасувачките екипи во моментов ги демонтираат урнатините во потрага по преживеани, а според неофицијални информации, дежурните служби пронашле неповредено момче пред еден час.
Засега нема информации колку луѓе имало во зградата, а не се знае колку од нив биле заглавени во урнатините. Се проценува дека околу 50 луѓе се наоѓаат некаде во урнатините, а спасувачите изјавија дека потрагата може да трае со денови.