Еден од најсреќните периоди во животот на една жена е кога ќе стане мајка.
Одговорната задача сигурно не е лесна, со оглед на натовареното секојдневие и распоредот на современата вработена дама.
Токму стилизираната, силна и борбена жена е главна инспирација за Michael Kors , кои секоја сезона градат концептуална нишка на ревијата на основа на овој лик.
За пролет-лето 2016 модната куќа претставува една своевидна ода за мајката, олицетворена од ангелот на Victoria’s Secret – Алесандра Амброзио.
Убавицата застанува пред објективот на фотографката Памела Хенсон, но овој пат не во улогата на заводничка, туку на современа мајка.
Кадрите ја претставуваат Бразилката во друштво на својата ќерка, Ања, во повеќето природни ситуации за мајка и бебе – подготовка на колачи, избор на подароци и мили бакнежи.
Се разбира, од Michael Kors не пропуштаат да внесат голема доза стил во кампањата, додавајќи ги култните производи од чанти до префинети часовници и ѓердани.
Рекламните кадри се дополнети од специјално видео, кое запечатува многу мили моменти меѓу Алесандра и Ања.
Можете да ги видите сите кадри – во нашата галерија.