Првата кинеска пловечка турбина на ветер исплови од градот Жухаи во јужната кинеска провинција Гуангдонг до најјужната провинција Хаинан заради инсталација.
Платформата е изградена од кинеската национална офшор нафтена корпорација (CNOOC), а ќе биде инсталирана во водите оддалечени 136 километри од градот Венчанг, крајбрежен град во Хаинан, со инсталирана моќност од 7,25 мегавати, јавува Кинеското меѓународно радио.
Платформата, наречена CNOOC Guanlan, е висока околу 35 метри и тежи 4.000 тони.
По пуштањето во употреба, ветероелектраната ќе биде приклучена на електричната мрежа на група морски нафтени полиња за производство на нафта и гас.
Една турбина на ветер може да произведе дури 22 милиони киловат часови електрична енергија секоја година, намалувајќи ги емисиите на јаглерод диоксид за 22.000 тони.