Ловците бомбардери “Rafale”, полетаа од носачот ма авиони “Шарл де Гол”, и нанесоа удари против ИД во Сирија. Ова е првиот удар против исламистичката група од овој носач на авиони, соопшти Министерството за одбрана на Франција.

“Од Јордан, два” Mirage 2000 “од француските воздухопловни сили полетаа на мисија над Сирија. Следеа ги 4” Rafale Marine “, за да удрат по објект во Ракка”, се прецизира во соопштението.
До моментов францускиот носач на авиони беше користен само за мисии во Ирак. Тој се наоѓа во источниот дел на Средоземното Море, од каде неговите борбени авиони нанесуваат удари во Ирак.

(ВОЗНЕМИРУВАЧКО ВИДЕО) Сириски бунтовници информираа на кој начин го убиле пилотот на соборениот СУ-24

Според извештаите воздушните напади, се нанесен кон 19.30 часот по македонско време синоќа, и е уништен објект на терористичката организација во Ракка. Градот се смета за главен бастион на ИД во Сирија. “Тимовите погодија неколку инфраструктури, меѓу кои команден центар. Сите цели се уништени”, се вели во соопштението.
Воздушните напади се случуваат десет дена по терористичките напади во Париз на 13-ти ноември, во кои загинаа над 130 лица, а други 350 беа повредени. Францускиот претседател Франсоа Оланд денеска заминува за Вашингтон на средба со претседателот Барак Обама. Тој ќе побара поблиска соработка меѓу двете земји во борбата против Исламска држава. Во четвртокот Оланд ќе разговара за ова прашање и со рускиот претседател Владимир Путин. Вчера Оланд разговараше за заедничките активности против ИД и со британскиот премиер Дејвид Камерон.