Се истражува можна неисправност во израелската противвоздушна одбрана, бидејќи сирените за предупредување не се огласиле откако биле отпуштени дроновите кои го нападнале домот на израелскиот премиер Бенјамин Нетанјаху во Цезареја.
Израелската влада соопшти дека дронот бил лансиран од Либан, а премиерот и неговата сопруга не биле присутни во домот за време на нападот.
תיעוד שמעלה הרבה שאלות ותהיות הבוקר: מסוק קרב של חיל האוויר במרדף אחרי כטב”ם חיזבאללה. בתיעוד הזה נראה שהכטב”ם עוקף אבל יש גם אשליה אופטית וזווית צילום- בכל מקרה, מתוך שלושה כטבמים ששוגרו מלבנון, אחד פגע ישירות במבנה בקסריה pic.twitter.com/zx9fr812BG
— איתי בלומנטל 🇮🇱 Itay Blumental (@ItayBlumental) October 19, 2024
„Тајмс оф Израел“ објави дека дронот бил насочен директно кон приватниот дом на премиерот и дека е едно од трите беспилотни летала истрелани од Либан. Два од нив биле соборени од израелската воздушна одбрана, додека третиот дрон успеал да стигне до куќата. Се истражува како овој дрон успеал да го избегне противвоздушниот систем.
Видео снимки покажуваат израелски хеликоптери како ги следат беспилотните летала на север од земјата.