Коритото на Крива Река е преплавено со јаловина на рудникот за олово и цинк Тораница кој е под концесија на ДПТУ „БУЛАМАК 2016“ ДООЕЛ Пробиштип.
Компанијата „Булмак 2016“ е основана од страна на компанијата Минстрој Република Бугарија и оваа компанија ја доби дозволата за експлоатација на олово и цинк од Рудниците „Тораница“ во Крива Паланка и „Злетово“ во Пробиштип од 2016 година.
На социјалните мрежи од попладнево се шират видеа и слики од променетата боја на реката која минува низ централното градско подрачје на Крива Паланка.
-Добивме информација дека е пукната цевка во флотацискиот дел на рудникот за олово и цинк Тораница во општина Крива Паланка и дека се излеала јаловина во Тораничка и Крива река каде довеле до заматување на водата. Од рекреативни риболовци се земаат примероци од водата во моментов.
Инспектори на терен НЕМА, објави O2 Иницијатива, на својот фаејбук профил.
-Од потегот на падините на граничниот премин Деве Баир кон централното гратско подрачје како што е потечението на реката Крива Река целата е хаварисана и сива, изјави мештанин на Крива Паланка.
Тој додаде дека оваа не е прв пат, ваква хаварија се случила пред неколку години, но јавноста не била зинтересирана на случувањата во овој мал град.