Нина Краљич на која ѝ беше ментор Жак во хрватското овогодинешно издание на Гласот на Хрватска (The Voice), во категоријата традиционални песни за време на финалето ја избра македонската народна песна „Зајди, зајди“. Според многумина, токму оваа фасцинантна изведба ја одведе до победата во ова шоу.
Нина во текот на натпреварувањето докажа дека има моќен глас кој може да владее со секој жанр и притоа да не ја изгуби својата карактеристичност. Таа беше неспорен прв победник на ова талент шоу во Хрватска.