Министерот за внатрешни работи на Србија, Ивица Дачиќ, објави дека Министерството за внатрешни работи издало налог за апсење на косовскиот полицаец Дилот Брахими за, како што изјави, напад врз српски матурант во Митровица.
„Министерството за внатрешни работи издаде налог за апсење на Дилот Брахими, полицаец од привремените установи во Приштина, кој вчера на крајот од учебната година во Митровица физички нападнал и повредил средношколец од Србија“, рече Дачиќ.
Како што изјави, Брахими ќе биде уапсен кога ќе биде достапен за српската полиција, од денес па натаму и нема да има застарување на делото.
Матурантите вчера го прославија крајот на учебната година, а, како што може да се види на видеата објавени на социјалните мрежи, додека минуваа низ шеталиштето, од кафулињата каде што седеа Албанци покажуваа двоглав орел.
Исто така, на видеата што кружат на социјалните мрежи може да се види дека припадник на косовската полиција го нападнал српски средношколец и при тоа го зграпчил за вратот, пишува „Косово онлајн“.