Студентски протести во моментов има на повеќе од 30 државни факултети во рамките на четири универзитети во Србија, што доведе до прекин на наставата во повеќе градови во Србија, а неодамна им се приклучија и некои средни училишта.
Наставно-научниот совет на Медицинскиот факултет на вонредна седница одржана денес со сите гласови за и еден воздржан изгласа прекин на наставата, како што е објавено на веб-страницата на факултетот.
Студентите посочија дека основното барање е МУП ( српското Министерство за внатрешни работи) да поднесе кривична пријава до надлежното обвинителство против пет лица кои, велат, нападнале студенти и професори и „се познати на јавноста според пишувањата на медиумите“. Бараат и МУП да го потврди нивниот идентитет, како и да ги идентификува сите кои ги нападнаа студентите на претходните протести поради трагедијата во Нови Сад.
Бараат и разрешување на Милија Колџиќ, член на градскиот совет на Нови Белград, бидејќи, како што тврдат, нападнал студенти и професори пред ФДУ, како и поведување дисциплинска постапка против координаторот на дистрибутивното подрачје на Електродистрибуција Белград, поради истите обвинувања.
Студентите на протестите претходно побараа и објавување на комплетната документација за реконструкцијата на Железничката станица, политичка и кривична одговорност за трагедијата, гонење на напаѓачите на студенти, професори, ученици и други граѓани на протестите, како и 20. проценти зголемување на средствата за државните универзитети.
Владата на Србија минатиот четвртокот на својата официјална веб-страница објави документи за падот на настрешницата на зградата на Железничката станица во Нови Сад, која се урна на 1 ноември, при што загинаа 15 лица, а двајца беа тешко повредени.
И додека претседателот на Србија од ден на ден се обидува да го „купи“ крајот студентските протести нудејќи се поповолни станбени кредити, Владата постојано тврди дека ги исполнила барањата на студентите, а потпретседателот на Собранието, Ана Брнабиќ, бара одговорност од деканот на факултетот. Претседателот Вучиќ тврди дека во иднина нема обрнува внимание на блокадите, но во петокот и саботата претпладне помина неколку часа на телевизија велејќи дека нему треба да му се верува, а не на студентите, социјалните мрежи и несоодветните медиуми.
Премиерот Милош Вучевиќ исто така не размислува за оставка,и вели дека неговата партија веќе платила превисока цена со оставките. Смета дека неговото заминување од власт би било рушење на државата.
За тоа време протестите не престануваат, студентите со денови добиваат поддршка од цела низа средни училишта.
Претседателот на Партијата за слобода и правда (СПП), Драган Ѓилас, рече дека е јасно дека режимот започнува жестока пресметка со студентите, ги навредува и организира најскандалозните лаги и закани за младите, кои само бараат утврдување на целосната вистина за трагедијата во Нови Сад.
Според неговите зборови, министерот Синиша Мали го повторил тврдењето на Вучиќ дека возачите на автомобили имаат право да прегазуваат луѓе кои се наоѓаат на блокади, додаде лидерот на ССП.
Ѓилас: Режимот ги таргетира студентите со најскандалозни лаги со закани за физичка пресметка