(ВИДЕО) Трендафилов: Да се донесе закон со кој една година сите функционери, вклучително и јас да земаме плата од 500 евра

Претседателот на Сојузот на синдикатите на Македонија (ССМ), Слободан Трендафилов, предлага уште утре да се донесе закон со кој една година сите избрани и именувани функционери, вклучително и тој да земаат минимална плата од 500 евра.

Тој најави дека утре, на 2 април, ССМ  ќе излезе на протест пред Собранието, Стопанската комора и Владата, барајќи зголемување на минималната плата на 500 евра.

Трендафилов нагласи дека ССМ ќе продолжи да бара минимална плата од 30.000 денари, наместо предложените 24.300 денари.

Изнесе и сериозни обвинувања за притисоци врз синдикалните организации и обиди за присилно префрлање на работниците во друг синдикат.