Грозоморна тепачка се случи денеска во близина на Зелени на улицата Југ Богданова, пред денешниот натпревар од Лигата на шампионите меѓу Црвена звезда и Штутгарт на Маракана.
Како што можеше да се види на снимките кои се појавија на социјалните мрежи, дошло до пресметка во која еден од навивачите на Штутгарт го извлече подебелиот крај и заврши на бетонот, каде што претрпе уште неколку удари.
Полицијата многу брзо пристигнала на местото на настанот, а повеќето од навивачите дотогаш веќе биле заминати. Но, 15 од нив се приведени во Полициската станица Савски Венац, дознава „Телеграф“.
Најголем дел од приведените се од Германија, а донесени се вкупно 10, а потоа е уапсен и државјанин на Србија, навивач на Црвена звезда, кој се сомничи дека учествувал во денешната тепачка.
Дополнително, кај уште двајца навивачи од Германија биле пронајдени факел и фантомка, а приведени се еден државјанин на Босна и Херцеговина, како и еден државјанин на Швајцарија.