Оливие Х. (28), по потекло од Босна и Херцеговина, кој е осомничен за убиство на верници во џамија во Франција, се предаде на полицијата синоќа во Пистоја, град северозападно од Фиренца, Италија.
По тридневна потрага, главниот осомничен за убиството на верниците во џамијата Гранд-Комбе, синоќа околу 23 часот се предаде на италијанската полиција.
Тој моментално е испрашуван во притвор.
Оливие Х. е осомничен за убиството на Абубакар Сисе, млад Малиец, кој беше масакриран со десетици убодни рани во петок, 25 април.
Истражителите го идентификуваа младиот човек по потекло од Босна и Херцеговина, а кога го лоцираа во департманот Аро во неделата, Оливие избега и ја премина границата.
Според обвинителот, постапката за екстрадиција во Франција ќе започне денес со цел тој да биде вратен што е можно поскоро.
Медиумите известуваат дека осомничениот е роден во Лион во 2004 година, дека не е вработен и дека претходно бил непознат на полицијата и судството.
Министерот за внатрешни работи Бруно Реталиер изјави дека на видеото, пред неговата жртва на умирање, напаѓачот дури и ја изразил својата желба да стане „сериски убиец“ со тоа што ќе убие „уште две лица“.
„Неговото апсење е големо олеснување“, соопшти обвинителството.