Жителите на Лос Анџелес се бесни затоа што бизнисменот Рик Карузо потрошил илјадници долари ангажирајќи приватни пожарникари за да го заштитат трговскиот центар што го поседува, објави Њујорк Тајмс.
Карузо, поранешен кандидат за градоначалник, се соочува со критики откако локалните медиуми објавија дека ангажирал приватни противпожарни екипи за да го заштити селото Палисадес, луксузниот трговски центар што го поседува.
Трошоците за ангажирање приватни пожарникари може да бидат помеѓу 3.000 и 10.000 долари дневно.
One of the only things standing in Pacific Palisades is Rick Caruso’s mall
The symbolism is profound
— Shaun Maguire (@shaunmmaguire) January 9, 2025
Ова не е прв пат најбогатите жители на Лос Анџелес да користат приватни пожарникари. Риалити ѕвездата Ким Кардашијан и нејзиниот тогашен сопруг Канје Вест беа критикувани во 2018 година за ангажирање приватни пожарникари за да го спасат нивниот дом од пожарот во Вулси.
Во пожарите во Лос Анџелес и неговата околина загинаа 11 лица, а повеќе од 10.000 згради беа уништени.
Пожарите започнаа во вторникот и ја зафатија населбата Пацифик Палисадес, а досега се оштетени околу 20.000 хектари земја, додека 300.000 луѓе се евакуирани.