99
Единствени кадри се појавија во мрежата. На нив се гледа како пар бели светла летаат многу блиску до ерупција на вулканот Калбуко во Чиле, кој беше во мирување над 40 години. Тој еруптираше неочекувано и во средата исфрли во атмосферата тони пепел и доведе до масовна евакуација во регионот.
Стотици љубопитни и професионалци ја снимаа ерупцијата, во близина на градот Пуерто Монт, и облакот од смртоносната прашина и пеплишта, поради кој сите летови во регионот беа откажани. Притоа аматерски снимки успеале да фатат две бели светла кои летаат многу блиску до пепелта и чадот кој се издигаат од грлото на вулканот. Десетици илјади лица веќе шпекулираат дека се работи за НЛО. Според други станува збор за хеликоптер на полицијата или била спасувачка служба. А, третите велат дека светлата не се ништо повеќе од оптичка илузија.
Интересна е верзијата на корисникот на YouTube Perkoff. Според него станува збор за патници во времето. “Повеќето НЛО не се никакви вонземјани, како што сметаат повеќето луѓе. Тие се машини од иднината. Причината да гледаме НЛО покрај историски настани е затоа што луѓето од иднината се враќаат во времето за да ја набљудуваат историјата во акција. Повеќето од нив се полни со студентите кои излегле на футуристички излет “, смета тој.