(ВИДЕО)Украинец се обидел да се самоубие во Истанбул поради војната во неговата земја

Турската полиција денеска во Истанбул приведе Украинец кој се обидел да се самоубие во знак на протест поради војната во неговата земја.

Поранешниот украински полицаец А.А.И. ја поминал заштитната ограда на надвозникот на тунелот Таксим во центарот на Истанбул и се обидел да се самоубие во знак на протест против војната, јавува агенцијата Анадолија.

Полициски екипи го запреле сообраќајот, а пожарникарите превентивно поставија голем душек под надвозникот.

Мажот на англиски извикал „Стоп за војната“, а очевидци тврдат дека бил видно под дејство на алкохол.

По тричасовна интервенција, Украинецот бил симнат и приведен.