Microsoft сака Windows 10 да е оперативниот систем на што е можно повеќе уреди кои ги опкружуваат луѓето. Софтверскиот гигант се надева дека Windows 10 ќе се користи од невиден голем број и разновидност на уреди. За целта платформата ќе се нуди во вкупно седум верзии.
Сите тие ќе се потпираат на една унифицирана продавница за апликации и слично корисничко искуство. Затоа Windows 10 ќе се нуди во вкупно седум верзии, соопшти Microsoft.
Windows 10 Home ќе биде насочен кон обичните корисници и ќе може да се користи од страна на десктоп и лаптоп компјутери, таблети и хибридни уреди. Верзијата ќе располага со интеграција на гласовниот асистент Cortana, новиот прелистувач Edge и поддршка на Continuum. На располагање се уште технологијата за препознавање на лицето Windows Hello и др. Ова ќе е и верзијата која ќе се користи од конзолата Xbox One.
Втората верзија е Windows 10 Pro. Таа го надградува Home со функции за мал бизнис. Меѓу нив е и Windows Update for Business која автоматизира дел од одржувањето на софтверот и ги олеснува компаниите со ограничени ИТ буџети.
Windows 10 Mobile е третата верзија. Таа е насочена кон смартфоните и малите таблети. Ќе ги користи истите апликации како Windows 10 Home кои во случајот се оптимизирани за мали екрани на допир. И трите верзии ќе бидат понудени како бесплатна надградба за уреди со оригинални Windows 7, Windows 8.1 и Windows Phone 8.1.
Windows 10 Enterprise го надградува Windows 10 Pro, кој е наменет за средни и големи бизнис. Тој располага со подобрени системи за безбедност и специјални дополнителни планови за долгорочно одржување.
Windows 10 Mobile Enterprise е предвиден за уреди како банкомати, ПОС терминали, мали таблети и паметни телефони за професионални цели.Windows 10 IoT Core е сличен, но за уште помали уреди од интернет на нештата.
Windows 10 Education е насочен кон образовните институции и ученици. Тој ќе биде достапен за училишта и академски институции, како и за ученици кои имаат уреди со Windows 10 Home или Pro. Microsoft повторно не објавија кога ќе ја започнат продажбата на Windows 10. Компанијата само потврдува дека тоа ќе се случи летото оваа година за 190 држави. Од Редмонд дополнуваат дека првите надградби за оперативниот систем ќе се подготвени уште во есента оваа година.