86
Само неколку дена по најавата на Мајкрософт за одложување на уште една тест надградба на Виндоус 10 Техничката верзија, во Интернет протекоа нови подобрувања со сериски број 10036 на предметната прелиминарната верзија на новиот оперативен систем. Тие може да се најдат во голем број на сајтови, а интересно во неа е дека носи голем број на новини во корисничкиот интерфејс и функционалноста на платформата.
Едно од овие нови нешта е пример „Старт“ менито кое во овој „билд“ е транспарентно. Освен тоа Мајкрософт тестира нов кориснички интерфејс за ви-фи конекции, а програмерите додале и некои подобрувања во функцијата за виртуелните работни површини (корисниците на Вин 10 на пример сега можат да ги пренесат апликациите од еден виртуелен десктоп на друг).
Новина се и преработените пиктограми на апликациите, меѓу кои има и прилично чудна нова слика на „корпата за ѓубре“.
Се очекува дека во наредните недела-две софтверскиот гигант ќе претстави нова важна обнова на техничката верзија на Виндоус 10, што ќе го вклучува и новиот прелистувач, познат со кодното име Проџект Спартан.