„ВЛАДЕЕ НЕДОВЕРБА“: Германските медиуми ја повикуваат Меркел да се вакцинира како пример за граѓаните

Германските медиуми ги повикаа политичарите да се вакцинираат против коронавирусот, бидејќи воздржаноста е видлива кај Германците.

Така, весникот „Билд“ ја повика канцеларката Ангела Меркел да се вакцинира и со тоа да биде пример за другите, охрабрувајќи ја вакцинацијата, бидејќи, пред сè, постои недоверба во вакцините на „АстраЗенека“.

Весникот посочува дека досега се искористени само 11 отсто од вакцините на „АстраЗенека“ кои се испорачани.

„Она што недостасува е доверба. Потребни се примери за вакцинација, пред сè од канцеларката Меркел“, подвлекува „Билд“.

Весникот потсетува дека Меркел најави дека ќе биде вакцинирана кога ќе ѝ дојде редот и дека од нејзиниот кабинет е посочено дека таа сè уште не отстапува од таа изјава.