Од коалицијата ВЛЕН соопштија дека го одобриле автентичното толкување на Законот за игри на среќа, за кое велат дека со ова одобрување ја завршуваат ерата на онлајн игрите на среќа.
„Граѓаните веќе се изразија јасно и недвосмислено: не сакаат нивните деца да растат во средина каде што коцкањето станува секојдневие. Затоа, на барање на парламентарното мнозинство го усвоивме автентичното толкување на Законот за игри на среќа, со што ја завршивме ерата на онлајн игрите на среќа.
Планот на Коалицијата ВЛЕН за справување со последиците одигрите на среќа е јасен и дециден:
1. Да се покрене судска постапка за злоупотреба на службените позиции и овластувања на сите кои учествувале во носење незаконски одлуки поврзани со игри на среќа.
2. Да се намали бројот на објекти за коцкање за најмалку 50%, да се намали штетното влијание на игрите на среќа врз општеството.
3. Да се предложи нов закон за игри на среќа со кој ќе се ограничат штетните активности и ќе се овозможи строго регулирање на оваа индустрија.
ВЛЕН останува посветен на својата мисија – да се бори против корупцијата, да го заштити народот и да гради здрава и правична иднина за сите нас“, велат од коалицијата ВЛЕН.