ВМРО-ДПМНЕ: Бидејќи Ковачевски е задоволен со барањето избори во мај, нека ја распушти Владата во февруари и Македонија да оди на избори

По изјавата на премиерот Димитар Ковачевски, од опозициската ВМРО-ДПМНЕ реагираа:

„Му благодариме на Ковачевски што е јавно задоволен со барањето за избори во мај, и еве ако е прифатливо за него, владата да се распушти во февруари и Македонија да оди на избори.

Се надеваме меѓу два стратешки состаноци за барање на странска помош за справувања со кучиња бездомници и чекањето на списокот со задачи кој треба да му го донесе Али Ахмети по тиранската средба, Ковачевски нема да го смени мислењето и да исчезне благодарноста за избори во мај“, стои во реакцијата на ВМРО-ДПМНЕ, на изјавата на Димитар Ковачевски.