Најголемата опозициска партија, ВМРО-ДПМНЕ утрово се огласи со соопштение, по повод влегувањето во новата 2022 година. Според партијата, „првиот ден од новата година започна со одлука за 14,5 проценти поскапо парно, над 15 проценти поскапа струја и укината евтина тарифа за струја“.
„Почитувани работници, земјоделци, стопанственици. Почитувани професори, наставници, доктори и останати здравствени работници. Почитувани невработени, луѓе кои едвај крај со крај врзуваат. Почитувани Македонци, Албанци, Турци, Роми, Срби, Власи, Бошњаци. Првиот ден од новата година се започна со одлука на владата на Димитар Ковачевски за 14,5 проценти поскапо парно, и над 15 проценти поскапа струја и укината евтина тарифа за струја. Првиот ден од годината со честитка на Ковачевски до народот за поскапа струја и парно. Секој изминат ден се повеќе сиромаштија. Важно радиодифузна такса не се плаќа“, велат од ВМРО-ДПМНЕ.