79
Според податоците на германската агенција ГФК во 2014 година биле продадени 1,2 милијарди смартфони што е за 23% повеќе отколку во 2013 година. За прв пат минатата година продажбите ја минале границата од 1 милијарда парчиња. Аналитичарите, сепак, не сметаат дека трендот ќе се задржи во текот на оваа година и очекуваат помал раст. 
Проекциите за продажба во 2015 година се за 1,368 милиони уреди и раст од 14%. Од Агенцијата велат дека очекуваат растечките пазари да играат позначајна улога за зголемување на продажбата и затоа цените исто така ќе продолжат да се намалуваат, бидејќи потрошувачите таму немаат толку високаи куповни можности.
Очекувањата се за пад на продажбата на паметни телефони со цени над 150 долари и стабилни нивоа на оние кои чинат помеѓу 100 и 150 долари. На крајот на 2014 година, на пример цените на смартфоните се намалени со исклучок на пазарите во Северна Америка, Азија-Пацифик и Јапонија.
Во исто време, сепак, дисплеите на уредите стануваат се поголеми. Продажбата на мобилни телефони со екрани над 5-инчи се зголемија за 180-отсто во 2014 година и се очекува да се најпродавани во 2015 година.