Шведската полиција во петокот соопшти дека загинале сите девет лица кои биле во авионот што се урна во четвртокот по полетувањето во близина на шведскиот град Оребро.
„Тоа е многу тешка несреќа. Сите што беа во авионот загинаа“, соопшти шведската полиција на нивната веб-страница, пренесува „Хина“.
Според изјавата, авионот DHC-2 Turbo Beaver превезувал осум падобранци и еден пилот.
Се срушил во близина на пистата на аеродромот Оребро кратко по полетувањето и се запалил.
Several people died in the crash of an airplane after takeoff outside Orebro, #Sweden.
"It's a very severe accident," Swedish police said on their website. "Several people have died."
Police said the plane was carrying nine people.#Svenska pic.twitter.com/8Fj32kH5BX
— Steve_Ampy 🏈 💬 (@steve_ampy) July 8, 2021
„Со голема тага ја примив трагичната вест за падот на авионот во Оребро“, напиша премиерот Стефан Лофвен на Твитер.
„Моите мисли се со жртвите, нивните семејства и најблиски во ова многу тешко време“.
Слична несреќа се случи на северот на Шведска во 2019 година, кога, непосредно по полетувањето, се урна авион со падобранци.
Во несреќата загинаа девет лица, а истрагата покажа дека авионот бил непрописно товарен.