Купувањето нов или користен автомобил не е мал трошок. Новите се многу скапи, а пазарот за половни е сè финансиски понедостапен. Често, за малку подобар и поскап автомобил, купувачите земаат кредити, земаат некаков облик на финансирање, плаќаат на рати и слично. Конечно, готовината е исто така еден од начините ако вредно штедите.
Меѓутоа, овој купувач на користен Honde City од Бразил дошол во салонот за да го земе својот нов миленик, вреден нешто повеќе од 10.000 евра (65.000 бразилски реали), со багажник полн со монети складирани во неколку пластични шишиња за вода од 50 литри.
Работниците во застапништвото за половни автомобили останаа запрепастени кога го виделе „системот за плаќање“ што го избрал анонимниот клиент. Како што пренесуваат бразилските медиуми, и продавачите и сопственикот на салонот биле шокирани, а за 14 години работа никогаш не доживеале вакво нешто.
Сепак, парите се пари, па затоа во салонот се фрлиле да избројат илјадници монети до последен реал, пишува „Јутарњи“.
„Ова е втор пат кога го правам тоа. Техниката е да акумулираш пари и да купиш автомобил само кога имаш доволно пари за да го платиш. Сега за следниот ќе почнам од почеток, но ќе штедам само монети од еден реал, другите зафаќаат многу простор“, објасни муштеријата и се оддалечи од Honda…