Здружението на одгледувачи на Финска (ФИФУР) ќе започне со вакцинација на видра против коронавирус во наредните недели, за што добија условна дозвола од Финската администрација за храна. Со тоа, оваа скандинавска земја ќе стане првата од ЕУ што ќе вакцинира домашни крзнени животни против коронавирус.
„Финската индустрија за крзно ќе биде првиот оператор во ЕУ што ќе вакцинира животни против коронавирус“, рече извршната директорка на ФИФУР, Марја Тиура.
Вакцината „FurcoVac“ е развиена од истражувачки тим на Универзитетот во Хелсинки и тестирана на фарма во Канус.
Таа била класифицирана како експериментална вакцина и доби условна лиценца, но не и комерцијална.
Според директорот на истражувањето, вадењето на кожата на фармата за крзно во Канус треба да започне во следните неколку недели, по што може да започне вакцинацијата на преостанатите животни. Досега, за овој процес се доделени половина милион дози вакцина.
За разлика од нејзините нордиски соседи, Финска нема регистрирано случаи на инфекција со коронавирус во видра на нејзините фарми. Спротивно на тоа, фармите во другите земји на ЕУ, вклучувајќи ги Данска, Холандија и Шпанија, уништија милиони од овие животни за да спречат ширење на инфекцијата кај луѓето и со тоа да придонесат за процесот на мутација.
Данска усмрти околу 15 милиони животни, а неодамна ја продолжи забраната за размножување, што ги разбесни сопствениците на оваа индустрија, која некогаш беше еден од најголемите светски производители, наведува „Спутник“.
Минатата година, Русија стана првата нација во светот што регистрираше вакцина против коронавирус кај крзнените животни, мачки и кучиња.
Фото: Profimedia