Во Германија нагло зголемување на заразени со коронавирусот

Германија се соочува со „многу јасно експоненцијално зголемување“ на инфекцијата со коронавирус, особено поврзана со ширењето на британската варијанта, предупреди службеник на Германскиот институт за јавно здравје „Роберт Кох“.

„Сосема е можно за Велигден да имаме ситуација слична на онаа што ја имавме пред Божиќ, со многу голем број случаи“, рече заменик-претседателот на Институтот, Ларс Шаде, на прес-конференцијата.

Тој предупреди дека е можно да има „сериозни случаи на инфекција и смрт, и болниците да бидат преоптоварени“.