Денес во Германија стапи на сила закон кој дозволува автомобилите да се контролираат од далечина, што значи дека возачот не мора да биде во автомобилот, туку може да го контролира автомобилот од далечина, на пример од контролен центар.
„Со оваа регулатива, создаваме јасна законска рамка за тестирање на возила со далечинско управување во јавниот патен сообраќај“, изјави државниот секретар за транспорт Кристијан Хирте, додека Министерството за транспорт објави дека гледаат конкретни примени во областа на „споделено возење“, пренесе „Шпигел“.
Според соопштението, новата мерка треба да го унапреди автономното возење, а целта е да се промовира „споделување на автомобили“ и роботакси услугите.
Возилата со далечинско управување би можеле да помогнат и во поефикасното користење на ресурсите за испорака во иднина.
Досега, во Германија немаше законска рамка за возила со далечинско управување, а новата мерка предвидува дека секој што сака далечински да управува со возило мора да има најмалку 21 година, да има возачка дозвола најмалку три години и да има завршено специјализирана обука.
Техничката обука вклучува техничко знаење, како и обука за безбедност што вклучува видео екрани, сензори и процедури за итни случаи.