Црвениот аларм и предупредување поради густа магла останаа на сила во делови од Кина, а сообраќајот бил во прекин откако метеоролошката служба објави дека густата магла ќе ги покрие областите на провинцијата Хебеи, северно од Шангај.
Повеќе од 600 летови биле одложени во неколку градови, вклучувајќи ги Урумчи, Хебеи, Шиџиажуанг и Шангај, покажа апликацијата за следење „Flight Master“.
Во Шангај привремено биле суспендирани некои линии на траекти, а затворени се и некои делови од автопатиштата.
На жителите во делови на Шандонг, Анхуи и Џиангсу им било препорачано да избегнуваат да излегуваат надвор освен ако е апсолутно неопходно.
Густа магла се очекува во делови од северната провинција Хебеј, како и во централната провинција Хенан, источните провинции Анхуи, Џиангсу, Жеџијанг и Шандонг, како и во општините Шангај и Чонгкинг, соопшти Кинескиот национален метеоролошки центар.