Во Крива Паланка и Кратово сите улици се расчистени, во Ранковце отсечено селото Герман

од Radmila Tasevska

Со навремена интервенција на екипите на Јавното комунално претпријатие “Кратово”, сите улици во градот се исчистени, проодни и посипани со абразивен материјал и денес сите улици се проодни, информира градоначалникот на Општина Кратово, Тодорче Николовски.

Утрово, исто така екипите беа на терен и во подалечните населби и поблиските села.

-Како вчера, така и рано изутрина од страна на работници од ЈП Кратово исчистени се површините на плоштадот, останати тротоари и пешачки патеки. Апелираме на возачите и пешаците да внимават при движењето и да се однесуваат согласно условите на патот, рече Николовски.

Во Крива Паланка температурата е околу пет степени под нулата, рано утрово во централното градско подрачје активно се изврши чистење на сите тротоарски површини и пешачки патеки од страна на ЈП Комуналец и вработени во казнено-поправна установа затвор Крива Паланка, кои во координација со општината се ставија во служба на граѓаните.

Од Општина Ранковце информираат дека во ниските општината нема никакви проблеми со снегот, но селото Герман е отсечено и околу стотина жители на ова планинско село се отсечени.

Слични содржини