Во невреме во Бразил загинаа 11 лица, 20 се водат како исчезнати

Најмалку 11 лица загинаа во невремето што ја погоди јужната бразилска држава Рио Гранде до Сул, соопштија денеска локалните власти.

Циклонот донесе пороен дожд, а во невремето се исчезнати 20 лица, а во тек е и хеликоптерска потрага, пренесе Ројтерс.

Најпогоден е градот Кара, каде состојбата е крајно загрижувачка, соопшти локалната самоуправа.