Граѓаните во Франција често прибегнуваат кон радикални мерки за да го забават сообраќајот и да го направат побезбеден во близина на нивните домови. Имено, тие имаат можност да постават лажни радари, но со јасни правила.
Дозволени се канти за отпадоци, поштенски сандачиња, ПВЦ цевки, сите средства со цел да се измамат возачите и да изгледаат како сообраќајни камери со минимална декорација.
Како што наведува „HAK“, лажните радари не се забранети со закон. Компаниите и легално продаваат ваков вид производи на пазарот. Но, дозволено е да се инсталира лажен радар на земјиште во сопственост на лицето или компанијата што го инсталира. Не смее да се поставува на јавна површина.
Исто така, таков уред не смее да ги вознемирува другите учесници во сообраќајот. На пример, не смее да има вградени трепкања. Казните за грешки при инсталација одат и до 1.500 евра.