Идејата на речиси сите клучни политички играчи во Европа е да се зголеми продажбата на електрични автомобили. Но, може да има пресврт на некои пазари. Германија ги укинува субвенциите за продажба на електрични автомобили, што сигурно ќе резултира со заладување на пазарот, а се чини дека пад на продажбата ја чека и Шведска. Индустриската организација Mobility Sweden ја сумираше 2023 година и воедно дава прогноза за новата година.
– Во последните години бевме сведоци на позитивни движења во однос на електрификацијата на шведскиот пазар на патнички автомобили. Затоа е загрижувачки што темпото на електрификација е забавено во 2023 година и се очекува да се намали за прв пат. Сега се потребни владини мерки за да се поттикне продажбата на електрични автомобили на приватниот пазар – вели Матијас Бергман, извршен директор на Mobility Sweden.
Според „ХАК“, минатата година во Шведска се регистрирани вкупно 665.023 нови патнички автомобили, од кои речиси 39 отсто се електрични автомобили. Сега Mobility Sweden верува дека стапката на електрификација ќе се забави.
Шведска е во рецесија која силно ги погодува и домаќинствата и компаниите, нагласува Mobility Sweden. Во исто време, климатскиот план на Владата нема јасна насока, што дополнително ја зголемува неизвесноста. Кога станува збор за електричните автомобили, уделот од речиси 39 отсто ќе се намали на 35 отсто.
Mobility Sweden ја заснова својата прогноза на слабата побарувачка кај приватните купувачи и уделот на електричните автомобили во вкупната книга на нарачки, заедно со недостатокот на конкретна политика.