Германскиот производител на оружје Rheinmetall во вторникот објави дека ја презема компанијата за откривање и уништување неексплодирани убојни средства Stascheit, пренесува ДПА.
Примарната активност на Stascheit е откривање, отстранување и уништување на муниција и истражување на контаминиран терен. Rheinmetall очекува годишна продажба од околу 80 милиони евра од новата подружница на среден рок.
Rheinmetall и Stascheit веќе соработуваа на некои проекти, вклучително и откривање неексплодирани мини во Северното Море и одржување на морските фарми со ветерници.
Тие, исто така, соработуваа во уништувањето на неексплодирани убојни средства на дното на Балтичкото Море и долж шпанскиот брег пред поставувањето на подморнички кабли.
Минатата недела Rheinmetall објави купување на друга компанија, Hagedorn-NC, која произведува експлозивни полнења за артилерија и друга муниција.
Бизнисот на Rheinmetall нагло порасна по руската инвазија на Украина во февруари 2022 година.
Вредноста на акциите експлодира, а бројот на вработени, според шефот на гигантот Армин Пејпергер, ќе се зголеми од 32.000 на околу 40.000.