Конфликтот на Блејк Лајвли и Џастин Балдони, кој заврши на суд, значително се одрази на нивната популарност на социјалните мрежи, а фановите на Instagram очигледно бираат страна.
Драмата започна уште во август со објавувањето на филмот „It Ends with Us“, кога се појавија првите гласини за тензии на сетот, а ескалираа во декември кога Блејк Лајвли поднесе тужба против Џастин Балдони за сексуално вознемирување. Тој, пак, возврати во јануари со тужба за клевета од 400 милиони долари против неа и нејзиниот сопруг Рајан Рејнолдс.
Сето ова имаше значително влијание врз нивната популарност, особено на социјалните мрежи, каде од ден на ден се случуваат неверојатни пресврти, а јавноста секако веќе зазеде страна.
Според податоците на QR Code Generator, Блејк Лајвли изгуби 864.085 следбеници од септември, додека Балдони доби 230.896 нови следбеници. Најголемиот пресврт се случи во јануари кога Балдони ја поднесе својата тужба – тогаш Лајвли изгуби 329.577 следбеници, што е и нејзин „најголем пад“ во изминатите пет години, додека Балдони „заработи“ 159.644.
Трендот продолжи и во февруари, кога Лајвли изгуби 363.930 следбеници, а Балдони доби 196.230.
Мислењата се менуваат секојдневно.
„Интересно е да се види колку брзо интернетот ја менува страната во ваква јавна битка, при што мислењата се менуваат со секој нов развој. Во декември, месецот кога беше објавена статијата во Њујорк Тајмс, актерката изгуби најмалку следбеници од септември – поточно 32.664, вели Марк Поркар, извршен директор на QR Code Generator PRO S.L., кој потоа додаде дека претходната анализа покажала дека Лајвли всушност добила 46.624 следбеници од 21 декември до 3 јануари. Сепак, тужбите на Балдони променија сè, што резултираше со најголем пад на следбениците на Лајвли во последните пет години.
Сето ова може многу да влијае на нејзината актерска кариера, бидејќи како ден е јасно дека режисерите нема да сакаат да ја вработат бидејќи нејзиното учество во некој проект може да привлече негативен ефект и всушност да доведе до фијаско.
Едно е сигурно, ќе продолжиме внимателно да ги следиме Блејк Лајвли и Џастин Балдони и сложеноста на нивниот јавен конфликт.