Volkswagen (VW) одлучи да ја укине „ID“ ознаката за своите идни електрични модели, беше потврдено за австриското списание „Auto und Wirtschaft“.
Модели како ID.3, ID.4 и ID.Buzz го означуваат крајот на ерата на префиксот ID, бидејќи идните автомобили на Volkswagen како ID.2 и најавениот ID. EVERY1 добива повеќе „нормални“ имиња, а не комбинација од големи букви, точки и броеви.
„Автомобилите повторно ќе добијат вистински имиња. Ова започнува со воведување на нови модели на пазарот, бидејќи ID.2 и ID.EVERY1 нема да ги носат овие имиња во сериското производство“, рече членот на одборот на VW, Мартин Сандер.
ID.2 пристигнува во 2026 година, што значи дека Volkswagen ќе започне со промена на името околу тоа време. Друг член на одборот, Каи Гриниц, претходно оваа година објави дека тековните модели на ID ќе добијат освежени верзии во исто време.
Досега, Volkswagen не даде никаква индикација за нови имиња и дизајни.
Реално, „ID“ ознаката никогаш не била лоша, но едноставно не била „Volkswagen“. Компанијата го изгради својот углед врз модели како Golf, Jetta и Passat, а сите овие имиња имаат приказна. Промената можеби звучеше добро за новата ера на електрифицирани автомобили на VW, но овие модерни имиња не се „емоционални“.
ID го воведе VW во нова ера на електрификација, но фактот е дека електричните автомобили повеќе не се некоја премиум споредна претстава. Тие станаа „нормални“ автомобили што ги возат „обични луѓе“, па затоа заслужуваат „нормални“ имиња.