На вработените во банката „Silicon Valley“ (SVB) клучен заемодавец со седиште во Калифорнија на технолошки стартапи, Федералната корпорација за осигурување на депозити им понудила 45 дена работа за еден и пол пати поголема од нивната сегашна плата, откако регулаторот ја презеде контролата врз пропаднатиот заемодавач.
Корпорацијата, која ја презеде контролата врз банката во петокот, испратила е-пошта до вработените со известувањето, до која имале увид од Ројтерс.
Во мејлот стои дека банкарските работници ќе добијат информации за бенефициите во текот на викендот, а деталите за здравствената заштита ќе ги обезбеди поранешната матична компанија на банката.
„SVB“ на крајот на минатата година имала 8.528 вработени.
На персоналот им било кажано да продолжат да работат од дома, освен на вработените во филијалите.
„Silicon Valley bank“ банкротира откако штедачите загрижени за ликвидноста на банката побрзаа да ги повлечат своите депозити, повлекувајќи повеќе од 100 милијарди долари во текот на два дена.
„SVB“ беше рангирана како 16-та најголема банка во САД на крајот на минатата година со приближно 209 милијарди долари во средства и 175,4 милијарди долари во депозити.
Главната канцеларија на банката е во Санта Клара, Калифорнија, а сите 17 нејзини филијали во Калифорнија и Масачусетс повторно ќе бидат отворени во понеделник, се вели во соопштението.