Денеска ќе биде сончево и многу топло со мала до умерена локална облачност. Ќе дува слаб до умерен ветер од јужен правец. Температурата ќе достигне до 39°C, информираат од Управата за хидрометеоролошки работи.
Претежно сончево и многу топло со слаб до умерен јужен ветер ќе биде и во текот на утрешниот ден кога се очекува топлотниот бран да го достигне пикот и температурата да се качи до 40°C.
Времето ќе биде слично до почетокот на викендот. Според прогнозата, во петок, кон крајот на денот, во источните делови на државата ќе има изолирана појава на нестабилност со краткотраен пороен дожд и грмежи, како најава за намалување на температурата.
Веќе во сабота ќе биде сончево и посвежо со мала до умерена облачност. Попладне, претежно во северните делови ќе има развој на нестабилна облачност со пороен дожд и грмежи. Ќе дува слаб до умерен ветер од променлив правец а темпертурата ќе достигне до мнаксимални 35°C.