22
Американскиот Врховен суд денеска пресуди дека поранешниот американски претседател Доналд Трамп може да бара имунитет од гонење за некои од дејствијата што ги презел за време на неговото претседателствување за да ги поништи резултатите од претседателските избори во 2020 година.
Таа судска одлука најверојатно дополнително ќе го одложи судењето на Трамп по обвиненијата во тој случај, објави Си-Ен-Ен.
Одлуката на Врховниот суд ја поништи пресудата на федералниот апелационен суд во февруари оваа година, според која Трамп не ужива имунитет за наводните злосторства што ги извршил за време на неговото претседателствување за да ги поништи изборните резултати во 2020 година.