Студентите денеска повторно се собраа пред кампусот на техничките факултети за да оддадат почит на жртвите од трагичниот пожар во Кочани. За разлика од вчерашниот собир, овојпат немаше говори, ниту присуство на политичари – само седумминутен молк во тишина.
Настанот привлече неколку стотини студенти од различни факултети, кои достоинствено и солидарно изразија сочувство. Иако полицијата не беше присутна, обезбедувањето околу кампусот беше засилено со приватни служби.
Претседателот на Универзитетското студентско собрание (УСС), Александар Николовски, беше меѓу присутните, но одби да даде изјава за медиумите.
Со овој собир, студентите уште еднаш испратија силна порака на сочувство и единство, изразувајќи поддршка за настраданите и нивните семејства.