Вучиќ кон Бегај: „Верувам дека ќе успееме да ги развиеме сите потенцијали на „Отворен Балкан“

Претседателот на Република Србија, Александар Вучиќ, упати честитка до новоизбраниот претседател на Република Албанија, Бајрам Бегај.

„Ви честитам за изборот за претседател на Република Албанија, со желба успешно да ја извршите оваа одговорна должност“, напиша Вучиќ.

Тој додаде дека е убеден дека Бегај и тој ќе успеат да развијат добри и пријателски односи и уште подобра економска соработка во повеќе области, како што вели, во корист на граѓаните на нивните земји.

„Исто така, верувам дека заедно ќе успееме да ги развиеме сите потенцијали на иницијативата „Отворен Балкан“, што во голема мера ќе ги подобри стандардите во нашиот регион“, додаде српскиот претседател и изрази желби за успех на новоизбраниот претседател.