Претседателот на Србија, Александар Вучиќ денеска им порача на шефот на црногорската држава Мило Ѓукановиќ и на премиерот на Косово, Албин Курти дека имаат поголеми грижи како што се криминалот, корупцијата и економијата и дека треба да ја остават Србија сама.
„Во последните шест месеци се забрза кампањата за брендирање на Србија, која доаѓа од одредени центри на моќ, но секако и од делот на регионот кој секогаш го гледа својот успех во неуспехот и колапсот на Србија. Не од вчера, изразена улога во голата омраза кон Србија доаѓа од Албин Курти и Мило Ѓукановиќ“, подвлече Вучиќ во видео изјава.
Тој посочи дека секогаш користат невистини, голи и отворени лаги, со цел да се претстават како жртви, а Србија како злобен агресор кој им се заканува на секој начин.