Вучиќ: Не верувам дека германската служба за надворешна безбедност ги финансира протестите во Србија

Српскиот претседател Александар Вучиќ во интервју за „Франкфуртер алгемајне цајтунг“ (ФАЗ) изјави дека не верува оти студентите во блокадата се финансирани од германската служба за надворешна безбедност (БНД), но дека е сомнително што нивните водачи се стипендисти на германската држава.

„Немам докази за тоа. Но, ми е чудно што студентите кои ја водат организацијата на овие протести, најважните водачи, претходно добивале стипендии и финансиска поддршка од германската држава“, рече тој.

Вучиќ нагласи дека никогаш не изјавил дека протестите во Србија биле целосно организирани однадвор, туку дека тие биле претежно финансирани од странство.