Српскиот министер за внатрешни работи, Александар Вулин рече дека „никому не му пречеше фактот дека Германците се обединија и со тоа ја завршија ревизијата на резултатите од Втората светска војна, но им пречи што Србите сакаат да живеат во една држава“.
„Верувам дека создавањето на српскиот свет го решава националното прашање на Србите, дека го запира ширењето на „Голема Албанија“, им гарантира на Србите дека геноцид врз нив никогаш нема да се повтори, и пред сè обезбедува долготраен мир на Балканот“, изјави Вулин за „Вечерње новости“. Наведувајќи дека претседателот на Србија, Александар Вучиќ и тој се „соборци, но не е невообичаено да не мислат исто“.
Според него, често слуша како се вели дека сите ќе живееме во Европската унија, така што нема потреба да се собираат во српската држава.
„Се заборава дека живееме вака со векови, во Отоманската империја, неколку децении во Австро-Унгарија и четири години под команда на Третиот рајх“, додаде Вулин.
Како што рече, „решението не е сите Србите да живеат заедно во странска земја, туку повеќето Србите да живеат во својата земја“.
„Народот кој доживеал повторен геноцид во секоја генерација и секогаш од исти сторители немаат право да им остават на своите деца можност да доживеат истребување на своите сонародници во делови од нацијата каде не се заштитени од државата. Благодарение на Вучиќ, Србите станаа единствен политички народ и започна процесот на обединување, а тоа повеќе нема да може да се запре“, рече Вулин, пренесува „Бета“.